الرجل الذبابه

راجل غريب شكله فعلا يشبه الذبابه كان شغال في بوفيه قهوه في الدقي والناس صورته وشهرته ع اليوتيوب وبعد كده اشتغل مع طارق نور اعلانات ومع حسن حسني في مسلسل حرمت يا بابا وامبارح طلع في قناة الفراعين في برنامج الوسط الفني واستغربت جدا لما شوفته لأن دي أول مره أشوفه بصراحه ومن أول ما شفته قررت ان أول موضوع بكره في المدونه يبقى عنه وكمان معاه مغني غريب كده من المنصوره طلع كمان بيغني نفس الأغنيه بتعته اللي هي الذبابه اللي هي برضه سبب شهرته وبيقوللك أنا غنيتها من غير ما اعرف انها بتعته والله فلما عرفت انها بتعته سحبت الكليب من القنوات ومنتجته وحطيت للراجل ده شوتات ومناظر ورجعت الكليب تاني يتذاع لينا احنا الاتنين رد المذيع قله ما اديتلوش فلوس قله راضيته وهو رد قال عطاني اللي فيه النصيب يعني كام؟ والله اللي فيه النصيب ولما المذيع صمم قاله عطاني شقه وتحول الرجل الذبابه من راجل قهوجي الى فنان مشهوووووووووووووور ولسه ياما تشوفي يا عين

تيجوا نشوف الفيديوهات كده بالترتيب من ساعة ما الراجل ده بدأ يطلع ع اليوتيوب لحد امبارح ما كان على الفراعيييين

يلا بينا